14717175_1815667232042397_5730398963099215423_nBəzi media orqanlarında və bir sıra beynəlxalq təşkilatların hesabatlarında hüquqi, demokratik dövlət kimi qələmə verilən Azərbaycan hakimiyyəti anti-insani, anti-hüquqi əməlləri ilə dünya ictimaiyətini şoka salır. Azərbaycanın məşhur idmançısı, karatenin Şotokan və Vaderu növləri üzrə ikiqat Avropa Çempionu, beynəlxalq dərəcəli hakim, Ümumdünya Şotokan Karate Federasiyasının Azərbaycandakı nümayəndəsi Renad Əliyev 18 Oktyabr 2016 tarixində həbs olunub. I Avropa Oyunlarında karate üzrə yarışları idarə etmiş hakimlərdən biri Renad Əliyevə satış məqsədilə narkotik maddələri saxlamaq kimi saxta ittiham irəli sürülmüşdü. Çox gülməli və ucuz gedişdir. Bunun siysi bir sifariş olduğunu açıq-aydındır. Çünki Renad Əliyev kimi məhşur bir idmançının “Narkotika Satıcısı” kimi primitiv ittiham ilə günahlandırılması absurddur . Nəzərinizə çatdıraq ki, Renad Əliyev Avropa Azərbaycanlıları Milli Birlik Şurası sədrinin müavini və təşkilatın Almaniya nümayəndəliyinin rəhbəri Riyad Əliyevin kiçik qardaşıdır. Riyad Əliyev Almaniyaya mühacirət etdiyi vaxtdan qisa zaman sonra qurmuş oldugu AZƏREUROTİMES internet saytı vasitəsi ilə Əliyev ailəsi başda olmaqla bütün iktidar mənsublarına qarşı sərt yazılar yayınlayırdı. Bu səbəbdən adı keçən sayt dəfələrlə Əliyev rejimi tərəfindən müxtəlif yollarla əngəllənsə də, Riyad Əliyev böyük əzmlə saytın fəaliyyətini bu günə qədər davam etdirir. Bundan bir neçə ay əvvəl də Əliyev rejimi Riyad Əliyevin fəaliyətini əngəlləmək üçün onun Azərbaycandakı ailə mənsublarına böyük təzyiqlər edib Riyad Əliyevdən imtina bəyanatı yayınlamalarına da nail olmuşdular. Onu da qeyd edək ki, Təfəkkür Unversitetinin Kiev Filialının keçmiş rektoru Riyad Əliyev mühacirət həyatından öncə Azərbaycanda Təfəkkür Unversitetinə qoyduğu bütün sərmayə iqtidar mənsubları tərəfindən qəsb edilmiş, uzun illər saxta ittihamlarla həbsdə girov olaraq saxlanılmışdı. Bütün bunlar onu göstərir ki, Renad Əlievə qarşı irəli sürülən ittiham tamami ilə uydurmadır. Renad Əliyevin həbsi Riyad Əliyevin iktidar tərəfindən cəzalandırılmasının davami kimi dəyərləndirilməlidir. Biz Avropa Azərbaycanlıları Milli Birlik Şurası olaraq bəyan edirik ki, Renad Əliyev günahsızdır və həbsdən azad edilməlidir. Biz bunun üçün mövcud olan bütün yerli və beynəlxalq hüqququn bizə verdiyi imkanlardan maksimum dəyərləndirərək Renad Əliyevin hüquqlarını müdafiə edəcəyik.                                                                                                                                                         Hörmətlə Avropa Azərbaycanlıları Milli Birlik Şurasının sədri Gabil Rzayev

14670726_1815667125375741_5025991244193658814_n