prezident-nazirler-kabinetiBir çox ölkələrin tarixində güclü xarizması olan, sonsuz hakimiyyətə sahib və inanılmaz dərəcədə qəddar rəhbərlər olub.  Xalqın əzilməsi yolu ilə ölkəni idarə etməyin sonu, xalqına belə bir rəhbərlərin sonunu görmək sevincini yaşada bilib. Bu şəxslərin aqibəti bir çox hallarda ağır olub.  Kimisi intihar edib, kimisi illərdi əzdiyi xalqının qəzəbinə tuş gəlib, bəziləri ölkədən qaçıb, bir qismi isə hakimiyyət başında olarkən dünyasını dəyişib.

Rəhbərlərin nəyə görə diktator olması ilə bağlı müxtəlif nəzəriyyələr var. Bəziləri belə rəhbərləri cinayətkar, digərləri ruhi xəstə, bir qism isə onları dahi hesab edir. Bu fikirlərin hər biri ilə razılaşmaq olar. Ancaq bu şəxsləri birləşdirən oxşar cəhət qəddarlıq və “kreslodan” bərk-bərk yapışmaqları olub.

Buna bir misal kimi İlham Əliyevidə göstərmək olar. Bu insan artıq xalqın nifrətini qazanıb. Bunu hamıdan yaxşı onun özü bilir. Ona görə işdən evə, evdən də işə gedəndə minlərlə polis işçiləri yollarda, minlərlə insan da rollarda əsəb xəstəliyinə tutulur.

O bu xalqın səsini artıq çoxdan eşitmir. Onun talançı və monopolist bir komandası var. Həmin komanda bu xalqın anasını ağlatmaqla məşğuldur. Bu xalqın evini başına uçururlar, çırağını keçirirlər, qarşılığında heç bir kompensasiya vermirlər. Bu xalqın udmağa havasını tozla əvəzləyiblər. İllərdir bu ölkə toz-torpağın, palçığın içindədir. Bu xalqın qida təhlükəsizliyi yox, ölüm faizi artmaqda, ölümlər isə gəncləşməkdə davam edir. Son bir ildədə manatı 2 dəfə devalvasiya etməklə xalqın tamam anasını ağlatdılar.

Belə bir halda İlham Əliyev xalqın qəzəbinə tuş gəlməsin, nə etsin? Sən xalqı tapdayacaqsan, əzəcəsən xalq isə bunu sənə bağışlayacaq? Əlbətdə xeyr! Gün gələcək sən və sənin cinayətkar komandanın sonunu görmək sevinci xalqa nəsib olacaq… Bütün etdiyiniz cinayətlərə görə xalqın qarşısında cavab verəcəksiz!